აქტიურად მონაწილეობს მნიშვნელოვანი საზოგადოებრივი, სამართლებრივი, პოლიტიკური საკითხების განხილვაში, წარადგენს შეფასებებსა და განცხადებებს;

შეიმუშავებს ინიციატივებს, მიმართვებს, წინადადებებს, რეკომენდაციებს და ახორციელებს მათ ლობირებას. ზრდის მოქალაქეების ჩართულობას ღია მმართველობის განხორციელების პროცესში; 

ამზადებს დამოუკიდებელ კვლევებს, დასკვნებს, პროექტებს, ანგარიშებს. გამოსცემს სამეცნიერო, საგანმანათლებლო და საინფორმაციო დაიჯესტებს;

ახორციელებს აღმასრულებელი, საკანონმდებლო, სასამართლო ხელისუფლების, აგრეთვე, ადგილობრივი თვითმმართველობის ორგანოების საქმიანობის შესწავლას და მონიტორინგს; 

უზრუნველყოფს მოქალაქეების ინტერესების დაცვას და წარმომადგენლობას ყველა დონეზე, მათ შორის საჯარო ხელისუფლების განმახორციელებელ ორგანოებთან, სასამართლო ინსტანციებში, კერძო და საერთაშორისო არბიტრაჟში;

ხელს უწყობს სამოქალაქო კამპანიების ჩატარებას, სამართლისა და ადამიანის უფლებების მიმართ მოსახლეობის ინფორმირებას და ჩართულობას, დაცვის ინსტიტუტის პოპულარიზაციას;

ორგანიზებას უწევს კონფერენციების, სემინარების, ტრენინგებისა და მრგვალი მაგიდების ჩატარებას, თანამშრომლობს სხვადასხვა დარგის სპეციალისტებთან, ექსპერტებთან, ადგილობრივ და საერთაშორისო პროფესიულ ჯგუფებთან და გაერთიანებებთან;

ახორციელებს არჩევნების სადამკვირვებლო უფლებამოსილებას და უზრუნველყოფს ამომრჩევლის ინფორმირებას პროცესში. მონაწილეობს არჩევნების საერთაშორისო მისიაში;

მუშაობს სახელმწიფო უსაფრთხოების, ევროინტეგრაციის პროცესისა და დემოკრატიული ინსტიტუტების მნიშვნელობის შესახებ მოქალაქეების ცნობიერების ამაღლების საკითხებზე; 

ახდენს ახალგაზრდული პოლიტიკის ფორმირებას, ახალგაზრდების და ახალგაზრდული ორგანიზაციების დაახლოებას საერთო პრინციპებისა და ინტერესების განვითარებისთვის, უზრუნველყოფს სახელმწიფოსთან ახალგაზრდების სტრუქტურულ დიალოგს, განათლების სისტემის კვლევას და ბოლონიის პროცესის მხარდაჭერას; 

ახორციელებს სტრატეგიულ სამართალწამოებას ადგილნაცვალი პირების, ეთნიკური უმცირესობებისა და არასრულწლოვანთა მართლმსაჯულების მიმართულებით, ამზადებს ინიციატივებს მათი  სოციალური ინტეგრირებისა და სამოქალაქო სტატუსის ამაღლებისთვის.