საქართველოს უზენაესი სასამართლომ სახელმწიფოსთან საქართელოს ეკონომიკისა და მდგრდაი განვითრაების სამინისტრის სახით და საქართველოს საკონსტიტუციო სასამართლოს ყოფილ თავმჯდომარე გიორგი პაპუაშვილთან, მოქალაქე როლანდ ბლადაძის უკანონოდ ჩამორთმეული ქონების საქმეზე გადაწყვეტილების სარეზოლუციო ნაწილის გამოცხადება 2018 წლის 11 ივნისის მდგომარეობით გადადო. ამის შესახებ დავის მონაწილე მხარეებს საქართველოს უზენაესმა სასამართლომ აცნობა.

საქართველოს უზენაესმა სასამართლომ გაიზიარა ქონებაჩამორთმეულ როლანდ ბლადაძის შუამდგომლობა საქმეზე გადაწყვეტილების სარეზოლუციო ნაწილის გამოცხადების გონივრული ვადით გადადებაზე. როლანდ ბლადაძემ თავის 2018 წლის 29 მაისის წერილობით განცხადებაში აღნიშნა, რომ საქართველოს ეკონომიკისა და მდგრადი განვითარების სამინისტროს შემოთავაზებული პირობები რადიკალურად ცვლის იმ შეთანხმებებს, რომელიც საკითხთან მიმართებით, 2018 წლის 11 მაისის სასამართლო სხდომაზე დაფიქსირდა. როლანდ ბლადაძე თანახმა იქნებოდა ალტერნატიული ფართის სახით მიეღო ერთი საცხოვრებელი ბინა ქ. თბილისში, თუ მორიგების აქტში არ დაფიქსირდებოდა მიყენებული ზიანის სამომავლოდ მოთხოვნის უფლებაზე უარი. სასამართლომ სამინისტროს როლანდ ბლადაძის მინისტრ დიმიტრი ქუმსიშვილთან შეხვედრის ორგანიზება ჯერ კიდევ 11 მაისის სხდომაზე დაავალა და გაიზიარა მხარის პრეტენზიები იმის თაობაზე, რომ შესაძლებელია, პოლიტიკური გადაწყვეტილების მიმღებ პირთან - მინისტრთან არ ხდებოდეს სასამართლოს საქმისადმი დამოკიდებულებებისა და როლანდ ბლადაძის მოთხოვნების სრულფასოვნად მიტანა. მიუხედავად ამისა, სამინისტროსთან გაგრძელებული კომუნიკაციის პირობებში, მინისტრსა და დააზარალებულ მოქალაქესთან შეხვედრა, მოცემულ დრომდე, მიუღწეველი გახდა. 

2018 წლის 28 მაისის მდგომარეობით, სამინისტრო დავის მორიგებით დასრულების მიზნით, ყოველგვარი ბრალის აღიარების გარეშე გამოხატავს მზაობას სსიპ „სახელმწიფო ქონების ეროვნული სააგენტოს“ მეშვეობით, მოამზადოს და საქართველოს მთავრობას განსახილველად წარუდგინოს საქართველოს მთავრობის განკარგულების პროექტი - ქ. თბილისში, ნინო ჟვანიას ქუჩა N72-ში (ყოფილი კეკელიძე), 3 სექცია, მე-12 სართული, ბინა N23 (ს/კ 01.15.02.056.001.01.503) მდებარე უძრავი ქონების სიმბოლურ ფასად გადაცემის თაობაზე შემდეგი პირობით: კასატორი მხარე უარს განაცხადებს  სახელმწიფოს მიმართ დავის საგნის ირგვლივ ქონებრივი ან სხვა სახის ზიანის ანაზღაურებაზე, ასევე, ყოველგვარ მოთხოვნაზე, საჩივარზე, სარჩელზე როგორც საქართველოს საერთო სასამართლოებში, ისე, ნებისმიერი სხვა ქვეყნის, მათ შორის, ადამიანის უფლებათა ევროპულ სასამართლოში. აღნიშნული განცხადება 2018 წლის 28 მაისით თარიღდება და სასამართლოში უკვე რეგისტრირებულია.

როლანდ ბლადაძე აღნიშნავს, რომ იმ შემთხვევაში, თუკი ძალაში იქნება მხარეებს შორის თავდაპირველი შეთანხმება და სახელმწიფოს მიერ მათი საბაზრო ღირებულებების მიუხედავად, გადაცემულ იქნებოდა შავი კარსაკის მდგომარეობით ორი საცხოვრებელი ფართი ქ. თბილისში ნინო ჟვანიას (ყოფილი კეკელიძე) ქუჩაზე შემდეგი მონაცემებით 252 კვ.მ. ფართი და 160 კვ.მ. ფართი (მე-12 სართულზე), დავას მორიგებით დაასრულებდა და კასატორი მხარეც უარს განაცხადებდა სახელმწიფოს მიმართ დავის საგნის ირგვლივ ქონებრივი ან სხვა სახის ზიანის ანაზღაურებაზე, ასევე, ყოველგვარ მოთხოვნაზე, საჩივარზე, სარჩელზე როგორც საქართველოს საერთო სასამართლოებში, ისე, ნებისმიერი სხვა ქვეყნის, მათ შორის, ადამიანის უფლებათა ევროპულ სასამართლოში.

სასამართლომ შენიშნა, რომ სახელმწიფოს ზედმეტობით გადაცემული ფართი შემთხვევაში, უნდა ეფიქრა მოქალაქის ერთგვარ მორალურ კომპენსირებაზე, რომელიც გამოიხატა უკანონო დევნაში, ქონების ჩამორთემვაში და როლანდ ბლადაძის მოთხოვნის უფლების დათმობაში სამომავლო დავებთან დაკავშირებით.

საქმეს ნინო ბაქაქური (თავმჯდომარე), ბესარიონ ალავიძე და ზურაბ ძლიერიშვილი განიხილავს. საქმეზე შემაჯამებელი გადაწყვეტილება 2018 წლის 11 ივნისს, 12:00 საათზე გამოცხადდება.