ორგანიზაცია „ახალგაზრდა ადვოკატები“ მეცხრე მოწვევის პარლამენტის წევრთა იმ უფლების გამოყენების საკითხით დაინტერესდა, რომლებმაც მსჯავრდებულებთან სპეციალური ნებართვის გარეშე შესვლით ისარგებლეს. ორგანიზაციამ შეისწავლა მასალები, თუ რამდენჯერ იქნა გაცემული საქართველოს პარლამენტის თავმჯდომარის ბრძანება 2020-2016 წლებში, პატიმრ(ებ)ის მონახულების ნებართვაზე, რომელმა დეპუტატებმა გამოიყენეს ეს უფლება და ვინ იყვნენ მსჯავრდებულები, რომელთა მონახულებაც მათი პირობებისა და მონიტორინგის მიზნით, პარლამენტის წევრებმა გადაწყვიტეს.

ორგანიზაციის მიერ განხორციელებული შესწავლის შედეგებმა აჩვენა, რომ 2020-2016 წლების მოწვევის პარლამენტის მიერ მსჯავრდებულთან შეხვედრებისთვის, სულ გაცემულია 276 ბრძანება. პატიმრებთან სპეციალური ნებართვის გარეშე შესვლის უფლების მინიჭების ბრძანებების უმრავლესობა გაცემულია საპარლამენტო ოპოზიციის წარმომადგენელთა მიმართ. დეპუტატების სია, რომლებიც საპატიმროებში ბოლო 4 წლის განმავლობაში ხვდებოდა ერთსა და იმავე ან სხვა მსჯავრდებულებს, ასე გამოიყურება:

1. ელენე ხოშტარია
2. გიორგი ბოკერია
3. ნიკა მელია
4. გიორგი ტუღუში
5. ირაკლი აბესაძე
6. ოთარ კახიძე
7. ზურაბ ჭიაბერაშვილი
8. მერაბ ქვარაია
9. ხათუნა გოგორიშვილი
10. ირმა ინაშვილი
11. აკაკი ბობოხიძე
12. გიორგი ლომია
13. ემზარ კვიციანი
14. თენგიზ გუნავა
15. დიმიტრი მხეიძე
16. გიორგი კანდელაკი
17. ლაშა დამენია
18. ლევან გოგიჩაიშვილი
19. მამუკა მდინარაძე
20. მამუკა ჩიქოვანი
21. ირმა ნადირაშვილი
22. სერგო რატიანი
23. დავით ჭიჭინაძე
24. ალექსანდრე ერქვანია
25. ოთარ ჩრდილელი
26. კობა კობალაძე
27. ილია ნაკაშიძე
28. გიორგი წერეთელი
29. თინათინ ბოკუჩავა
30. არჩილ ხაბაძე
31. ვიქტორ ჯაფარიძე
32. ირაკლი (დაჩი) ბერაია
33. რომან გოცირიძე
34. კობა ნაყოფია
35. დავით ბაქრაძე
36. აზერ სულეიმანოვი
37. გურამ მაჭარაშვილი
38. გიორგი ღვინიაშვილი
39. თამაზ ნავერიანი
40. სალომე სამადაშვილი
41. მარიამ ჯაში

საქართველოს პარლამენტის დასახელებული დეპუტატების მიმართ, 2020 წლის საქმიანობის მანძილზე, მსჯავრდებულებთან შეხვედრისთვის ბრძანება გაიცა 12 შემთხვევაში, 2019 წელს - 100, 2018 წელს - 77, 2017 წელს - 79, ხოლო 2016 წელს - 6. მეცხრე მოწვევის პარლამენტში პარლამენტის თავმჯდომარის მიერ ბრძანებები გაცემულია 2016 წლის 2 დეკემბრიდან 2020 წლის 1 სექტემბრის მდგომარეობით. აღსანიშნავია, რომ გვხდება ორი ცალკე გამოცემული ბრძანებაც - 2017 წლის 28 აპრილს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის წევრების - რატი იონათამაშვილის, ანრი ოხანაშვილის, რუსლან პოღოსიანის, დიმიტრი ცქიტიშვილის, მერაბ ქვარაია, ლევან ბეჟანიძის, ვანო ზარდიაშვილის და ფატი ხალვაშის მიმართ, რომლის თანახმადაც, მათ მიენიჭათ  #5 ქალთა სპეციალურ პენიტენციურ დაწესებულებაში ქალი მსჯავრდებულების მონახულების, მათი პრობლემების გაცნობისა და მათთან სამართლებრივ საკითხებზე გასაუბრების სპეციალური ნებართვის გარეშე შესვლის უფლება. ამასთან, 2018 წლის 16 ივლისს, 2017 წლის 1 დეკემბერს, თბილისში, ხორავას ქუჩაზე მომხდარი დანაშაულის შედეგად ორი ახალგაზრდის მკვლელობის ფაქტის შემსწავლელი პარლამენტის დროებითი საგამოძიებო კომისიის წევრებს - სერგი კაპანაძეს, ელენე ხოშატრიას, ირაკლი აბესაძეს, ოთარ კახიძეს, ანრი ოხანაშვილს, მამუკა მდინარაძეს, სოფიო კილაძეს, დიმიტრი ცქიტიშვილს, სალომე ზურაბიშვილს, არჩილ თალაკვაძეს, გიორგი ბოკერიას, ხათუნა გოგორიშვილს, მამუკა ჩიქოვანს, ირმა ნადირაშვილს, ეკა ბესელიას და სერგო რატიანს მინიჭათ #8 პატიმრობისა და დახურული ტიპის თავისუფლებაში აღკვეთის პენიტენციურ დაწესებულებაში შესვლის უფლება. ორგანიზაცია, აგრეთვე შენიშნავს, რომ საქმიანობის უფლებამოსილების ვადით, ასეთივე მუდმივი უფლებით სარგებლობს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე და მისი მოადგილეც.  

შესწავლილი მასალების თანახმად, ყველაზე ხშირად და მაღალი ინტენსივობით, დეპუტატების მიმართ ბრძანებები გაიცემოდა საპატიმროებში ივანე მერაბიშვილის, გიგი უგულავას, ბაჩანა ახალაიას, შოთა ხიზანიშვილის, გიორგი ცააძის, ირაკლი ფირცალავას, გიორგი ონიანის, რუსუდან კერვალიშვილის, მაია რჩეულიშვილის, მირზა სუბელიანის, გიორგი მამალაძის, დავით კირკიტაძის, გიორგი რურუას მოსანახულებლად. ორგანიზაცია დეტალურად აქვეყნებს სპეციალური ნებართვის გარეშე ბრძანების მიღების თარიღს, საქართველოს პარლამენტის წევრებს, ვის მიმართაც გაიცა ბრძანება და მსჯავრდებულებს, რომელიც მოინახულეს პარლამენტის წევრებმა.

ცნობისთვის: ორგანიზაციამ საკითხზე საჯარო ინფორმაციის უზრუნველყოფის მიზნით, საქართველოს პარლამენტს 2020 წლის 5 ოქტომბერს მიმართა. პარლამენტმა სრულად გასცა მოთხოვნილი ინფორმაცია. „პატიმრობის კოდექსის“ მე-60 მუხლი ადგენს პენიტენციურ დაწესებულებაში შესვლის უფლებას, რომლის მიხედვითაც, პენიტენციურ დაწესებულებაში სპეციალური ნებართვის გარეშე შესვლის უფლებით სარგებლობენ:ა) საქართველოს პრეზიდენტი, ბ) საქართველოს პარლამენტის თავმჯდომარე და მის მიერ საამისოდ უფლებამოსილი პარლამენტის წევრები, გ) საქართველოს პრემიერ-მინისტრი, დ) პროკურატურის სისტემის საამისოდ უფლებამოსილი პირები, ე) საქართველოს სახალხო დამცველი, ვ) მინისტრი და მის მიერ საამისოდ უფლებამოსილი პირები და ზ) სპეციალური პრევენციული ჯგუფის წევრები.