ორგანიზაცია „ახალგაზრდა ადვოკატები“ მამუკა ხაზარაძის კომპანია „თბილისის უძრავი ქონების“ განცხადებას პასუხობს, რომელიც საქართველოს პარლამენტის დროებითი საგამოძიებო კომისიის სხდომაზე, ლისის ტბის 63.5 ჰა მიწის ნაკვეთის ყოფილი მფლობელის, ბიზნესმენ რამაზ ახვლედიანის გამოსვლას ეხმაურება. განცხადებაში აღნიშნულია, რომ „რამაზ ახვლედიანმა გამოიყენა ყველა სამართლებრივი ბერკეტი საკუთარი უფლებების დასაცავად. სასამართლო გადაწყვეტილებებმა პასუხი გასცეს ყველა შეკითხვას, რაც შეიძლება საზოგადოებას ჰქონოდა აღნიშნულ საკითხთან მიმართებაში” (სტილი დაცულია), რაც სიზუსტით არ ასახავს, რა გარემოებებზე მსჯელობს კომპანია, რას გასცეს პასუხი სასამართლოებმა, რამაზ ახვლედიანის მიერ საგამოძიები კომისიაზე გაკეთებულ რომელ ეპიზოდს ეხება კომპანიის პოზიცია, რა მოთხოვნები ჰქონდა რამაზ ახვლედიანს კომპანიის მიმართ, რამაც საზოგადოებაში გაჩნია აღქმა, რომ რამაზ ახვლედიანის განცხადებები მამუკა ხაზარაძისა და მისი კომპანიების მიმართ უსაფუძვლოდ გამოიყურებოა.
„ახალგაზრდა ადვოკატები“, 2014 წლიდან აგრძელებს რამაზ ახვლედიანის ინტერესების დაცვას და ლისის ტბის წართმების საქმეზე საზოგადოების ინფორმირებას. შესაბამისად, ორგანიზაცია არ დაუშვებს მამუკა ხაზარაძის კომპანიების მხრიდან მცირედი უზუსტობის შინაარსის მქონე განცხადების უყურადღებოდ დატოვებას, რომელიც რაიმე ფორმით წართმეული ქონებების მიმართ რაიმე ფორმით ან სახელმწიფოს ან მამუკა ხაზარაძის კეთილსინდისიერად წარმოჩენას შეეხება. მით უფრო, „თბილისის უძრავი ქონებას“ რამაზ ახვლედიანის საქმის ირგვლივ, ბოლო 10 წლის განმავლობაში საჯარო განცხადება არ გაუკეთებია, ორგანიზაცია მზად არის ყველა საკითხზე დოკუმენტური სინამდვილის დასადასტურებლად და იმ შეხედულებების გაქარწყლებისთვის, რაც „თბილისის უძრავი ქონებას“ და მის წარმომადგენლებს სასურველი რეალობის წარმოჩენად სურს.
გვსურს საზოგადოებამ ყურადღება მიაქციოს შემდეგ ფაქტებს, რომელიც საწინააღმდეგო მტკიცება ან დოკუმენტაცია „თბილისის უძრავ ქონებას“ არ გააჩნია - მამუკა ხაზარაძის მფლობელობაში არსებულ შპს „თბილისის უძრავი ქონებასა“ და რამაზ ახვლედიანის მფლობელობაში არსებულ შპს „ტურისტულ გამაჯანსაღებელი კომპლექსი ლისის ტბას“ შორის, ლისის ტბის ტურისტულ-გამაჯანსაღებელი კომპლექსის აღდგენა-განვითარების მიზნით, 2004 წლის 6 დეკემბერს გაფორმდა განზრახულობათა ოქმი, რომლის თანახმად, მხარეები შეთანხმდნენ სამოქმედო 12-პუნქტიან გეგმაზე. მხარეებმა დააფუძნა ს.ს. „ლისის ტბა". დასახელებული კომპანიის სამეთვალყურეო საბჭოს თავმჯდომარე 2021 წლის მაისამდე გახლდათ მამუკა ხაზარაძე, თავმჯდომარის მოადგილე კი - დღემდე რამაზ ახვლედიანი.
ს.ს. „ლისის ტბას" საწესდებო კაპიტალის შესავსებად, რამაზ ახვლედიანი იღებდა ვალდებულებას, რომ იგი განახორციელებდა ქონებრივ შენატანს ქ. თბილისში, ლისის ტბის გარშემო არსებული მიწის ნაკვეთის (საერთო ფართით 63,5 ჰა) და მასზე მდებარე შენობა-ნაგებობების სახით აღნიშნული ქონების მის საკუთრებაში გადმოფორმებისთანავე. მხარეები შეთანხმდნენ, რომ ს.ს. „ლისის ტბას" შექმნის დღეს რამაზ ახვლედიანი შპს „თბილისის უძრავ ქონებას" დაუთმობდა შპს „ტურისტულ გამაჯანსაღებელი კომპლექსის ლისის ტბის" წილის 2/3-ს (66.66%-ს). იმ შემთხვევაში, თუ რაიმე ობიექტური მიზეზის გამო რამაზ ახვლედიანი ვერ შეძლებდა ზემოაღნიშნული მიწის ნაკვეთის გამოსყიდვას და ს.ს. "ლისის ტბას" საწესდებო კაპიტალის შევსებას, შპს „თბილისის უძრავი ქონება რამაზ ახვლედიანს დაუბრუნებდა შპს „ტურისტულ გამაჯანსაღებელი კომპლექსის ლისის ტბის" წილს - 2/3-ს (66.66%-ს).
რამაზ ახლედიანი 2006 წლის 4 ნოემბერს, იძლებული გახდა, თბილისის მაშინდელი მერიისა და მთავრობის სახელზე დაეწერა განცხადება და აღენიშნა, რომ 1999 წლის საიჯარო ხელშეკრულებით, ასევე პრეზიდენტის 2006 წლის 14 ივლისის განკარგულებით ნაკისრი ვალდებულებები ვერ შეასრულა და მოითხოვა საიჯარო ხელშეკრულების გაუქმება, რომლის მიხედვითაც, მას გადაეცა ლისის ტბის მიმდებარე ტერიტორიაზე განლაგებული შენობა - ნაგებობები და რომელიც ბიზნესმენს უკვე გამოსყიდული ჰქონდა. წერილში, ნების საწინააღმდეგოდ, რამაზ ახვლედიანმა უარი განაცხადა პრეზიდენტის განკარგულებით გადაცემულ 63,5 ჰა არასოსაფოლო-სამეურნეო დანიშნულების მიწის ნაკვეთის საკუთრებაში მიღების უფლებაზეც და ეკონომიკის სამინისტროსგან უკვე გამოსყიდულ შენობა-ნაგებობებზეც. ამ განცხადებიდან მე-6 დღეს, 2006 წლის 10 ნოემბერს, მიხეილ სააკაშვილმა გამოსცა ახალი განკარგულება და 1999 წელს რამაზ ახვლედიანის მიერ შეძენილი და 2006 წელს პრეზიდენტის განკარგულებითვე გადაცემული ქონება, ჩამოერთვა.
ჩამორთმეული ქონება რამაზ ახვლედიანის ბიზნეს-პარტნიორს, პირდაპირი მიყიდვის წესით, მამუკა ხაზარაძეს გადაეცა.
რამაზ ახვლედიანმა ვერ შეძლო განზრახულობათა ოქმით გათვალისწინებული პირობის შესრულება, შპს „თბილისის უძრავმა ქონებამ" კი არ მოახდინა წილის დაბრუნება, რომლის ვალდებულებაც „თბილისის უძრავ ქონებას“ დღესაც აქვს, მაგრამ კომპანია მიტაცებული წილის ნამდვილი და ერთადერთი მფლობელისთვის - რამაზ ახვლედიანისთვის დაბრუნებას არ აპირებს.
ორგანიზაცია ადასტურებს, რომ სამივე ინსტანციის სასამართლოს გადაწყვეტილებით შეფასდა, რომ რამაზ ახვლედიანს სადავო წილის გადაცემის მოთხოვნა უნდა დაყენებინა 2006 წლის 4 ნოემბრიდან სამი წლის განმავლობაში, თუმცა მიხეილ სააკაშვილის მმართველობის პირობებში, რამაზ ახვლედიანმა ასეთი მოთხოვნა, ობიექტური გარემოების გამო, ვერ განახორციელებდა. მამუკა ხაზარაძის კომპანია, რომელიც ხანდაზმულობის ვადებს ამოფარებული „ქართული ოცნების“ ხელისუფლების პირობებში სასამართლოს გადაწყვეტილებას იშველიებს, პასუხი არ აქვს, თუ ნებაყოფლობით, რატომ არ უბრუნებს რამაზ ახვლედიანის მიმართ მიტაცებულ წილებს. ამავე სასამართლოს გადაწყვეტილებებით, უდავოდ და ერთმნიშვნელოვნად დადგენილი იქნა, რომ რამაზ ახვლედიანს წარმოშობილი აქვს წილის უკან დაბრუნების უფლება, მაგრამ მოთხოვნის განხორციელება ვერ ხერხდება სწორედ ხანდაზმულობის ვადების გამო. ცხადია, „თბილისის უძრავი ქონება“ ამ გარემოებაზე სდუმს, რადგანაც საქმის ამ მნიშვნელოვანი გარემოების არსებობა მის არაკეთილსინდისიერ იურიდიულ პირად წარმოჩენას ცხადყოფს.
„ახალგაზრდა ადვოკატები“ შეახსენებს „თბილისის უძრავ ქონებას“ საქმის ფარგლებში 2022 წლის 7 მარტს, თბილისის საქალაქო სასამართლოში მოწმის სახით გამოკითხული მამუკა ხაზარაძის ჩვენებას. მამუკა ხაზარაძემ დაადასტურა რამაზ ახვლედიანის წინააღმდეგ მაშინდელი ხელისუფლების წარმომადგენლების, ფინანსური პოლიციის მეშვეობით ქონების დათმობაზე ზეწოლის ფაქტების არსებობაზე ინფორმაციის ცოდნა და განმარტა, თუ რატომ აირჩია პარტნიორის დაჩაგვრის დროს მამუკა ხაზარაძემ დისტანცირებული ურთიერთობები, რა მოლაპარაკებები აწამოა მამუკა ხაზარაძის კომპანიებმა მაშინდელ მთავრობასთან, რეალურად, რა ფასად იყიდა მამუკა ხაზარაძის კომპანიებმა ლისის ტბის მიმდებარე ტერიტორია და რამდენად კეთილსინდისიერი შემძენი აღმოჩნდა მამუკა ხაზარაძის ჯერ „ლისი 2007“, შემდეგ „ფროფერთი დეველოპმენტ ჰოლდინგი“ და ბოლოს, „ლისი ლეიქ დეველოპმენტი“ იმ არასასოფლო-სამეურნეო მიწის ნაკვეთების შეძენის დროს, რომლის ფარგლებშიც მოექცეა რამაზ ახვლედიანის ლისის ტბის მიმდებარედ არსებულ 63,5 ჰა მიწის ნაკვეთი და შენობა-ნაგებობები. ორგანიზაცია ტექნიკურად მოამზადებს სხდომის მასალას და ფართო საზოგადოებისთვის ცნობილს გახდის, რაც „თბილისის უძრავი ქონების“ სიმართლეზე ნამდვილად არ იმეტყევლებს.
„ახალგაზრდა ადვოკატები“ გამოთქვამს მზადყოფნას ნებისმიერ ფორმატში საზოგადოებას წარმოუდგინოს საქმის მასალები, რომელიც მამუკა ხაზარაძის, როგორც რამაზ ახვლედიანის ბიზნეს-პარტნიორის რეალურ ზრახვებსა და არაკეთილსინდისიერებას დაადასტურებს. როგორც ორგანიზაცია, ასევე მისი ხელმძღვანელი არჩილ კაიკაციშვილი მზად არის მამუკა ხაზარაძის მიერ კონტროლირებად მედია-საშუალებებში, ნებისმიერ ფორმატში მონაწილეობა მიიღოს ლისის ტბის წართმევის საქმეზე სიმართლის გარკვევასა და მამუკა ხაზარაძის მონაწილეობის ფარგლებზე. „თბილისის უძრავ ქონებას“ არ გააჩნია არავითარი მორალური და სამართლებრივი უფლება თავისად მიიჩნევდეს მიტაცებულ წილს წართმეული ბიზნეს-პარტნიორის ქონებიდან. კომპანიის 2025 წლის 3 აპრილის განცხადების შინაარსიც ადასტურებს, თუ როგორ ეპყრობა ადამიანის უფლებებს, სისტემური დანაშაულის საკითხებსა და კეთილსინდისიერი ბიზნესის ფუნდამენტურ პრინციპებს მამუკა ხაზარაძე, „ხელისუფლებაში მოსვლამდეც“. შესაბამისად, ორგანიზაცია არ ფიქრობს, რომ „თბილისის უძრავი ქონების“ განცხადება აკმაყოფილბდეს საზოგადოებრივ ინტერესს და პასუხს სცემდეს რეალობას.
