ორგანიზაციის სიახლეები
„ახალგაზრდა ადვოკატებმა“ საბჭოთა და პოსტსაბჭოთა ანაბრების პრობლემატიკის შესახებ სამართლებრივი კვლევა წარმოადგინა და საქართველოს აღმასრულებელ, საკანონმდებლო და სასამართლო ხელისუფლებას, პრობლემის მოგვარების სარეკომენდაციო პაკეტი შესთავაზა. 18 სარეკომენდაციო წინადადება საბჭოთა და პოსტსაბჭოთა ანაბრების საკითხთან მიმართებით, დღემდე არსებულ ყველა მოსაზრებას, არსებითად ცვლის.
ორგანიზაცია „ახალგაზრდა ადვოკატები“ საქართველოს ცენტრალური საარჩევნო კომისიის თავმჯდომარეს რეკომენდაციით მიმართავს და რეგისტრაციიდან მოხსნილ პირთა მიმართ მიღებული გადაწყვეტილების შეცვლისკენ მოუწოდებს. ორგანიზაციამ ცსკო–ს რეკომენდაციით 2013 წლის 11 ივლისს უკვე მიმართა. ამის შესახებ დღეს გამართულ ბრიფინგზე, „ახალგაზრდა ადვოკატების“ იურისტმა, მარიამ ნეფარიძემ განაცხადა.
საქართველოს შრომის, ჯანმრთელობისა და სოციალური დაცვის სამინისტრო საქართველოს სახალხო დამცვლის 2013 წლის 22 მაისის რეკომენდაციას არ ასრულებს, რითაც სამინისტროს პოლიტიკური შეხედულებების გამო სამსახურიდან გათავისუფლების საკითხების შემსწავლელი კომისიის შექმნა დაევალა. სამინისტროს ყოფილი თანამშრომლები მათ საქმეზე სპეციალური კომისიის შექმნას და სამართლიანობის აღდგენას უკვე თვეების მანძილზე ითხოვენ.
„ახალგაზრდა ადვოკატები“ საქართველოს პარლამენტთან მიმდინარე საქართველოს ადვოკატების საპროტეტსო აქციის მოთხოვნებს სამართლიანს უწოდებს და საკანონმდებლო ორგანოს მოუწოდებს, საქართველოს სისხლის სამართლის საპროცესო კოდექსში, არ დაამტკიცოს წარმოდგენილი ცვლილებები, რომელიც დაცვის ინსტიტუტის უუფლებო მდგომარეობაში ჩაყენებას ემსახურება.
თბილისის საქალაქო სასამართლოს 2013 წლის 29 მაისის გადაწყვეტილებით, „ახალგაზრდა ადვოკატების“ სარჩელი საქართველოს ეროვნული ბანკის მიმართ, არ დაკმაყოფილდა და სასამართლომ დავის საგანი – 1992–93 წლებში, ქვეყნის მთავარი საფინანსო უწყების მიერ 500–ზე მეტ კომპანიაზე, ჯამში 854 მილიარდი მანეთისა და კუპონის გაცემის შესახებ მოთხოვნილი საჯარო ინფორმაცია საბანკო საიდუმლოებად მიიჩნია.
„ახალგაზრდა ადვოკატები“ საკანონმდებლო ორგანოს განსახილველად ალტენრატიულ წინადადებას სთავაზობს.
ორგანიზაცია „ახალგაზრდა ადვოკატები“ შეშფოთებას გამოხატავს 2013 წლის 17 მაისს განვითარებულ მოვლენებთან დაკავშირებით, რა დროსაც ადგილი ქონდა ადამიანის ისეთი ფუნდამენტური უფლებების უხეშ დარღვევას, რომელიც აღიარებული და განმტკიცებულია ქვეყნის კონსტიტუციითა და საერთაშორისო კანონმდებლობით.
საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ ეკა ბესელიამ განათლებისა და მეცნიერების სამინისტროს დაქვემდებარებული ქობულეთის საზოგადოებრივი კოლეჯ „ახალი ტალღის“ დირექტორის, დავით მჭედლიშვილის მიერ 2012 წლის 19 ივნისს მოადგილის, თამარ კაიკაციშვილის პოლიტიკური ნიშნით გათავისუფლების საქმის დაუყოვნებლივ შესწავლისა და რეაგირების მოხდენის მიზნით, საქართველოს განათლებისა და მეცნიერების მინისტრს, ამჟამად მმართველი პარტიის მხრიდან საქართველოს პრეზიდენტობის კანდიდატ, გიორგი მარგველაშვილს მიმართა.
თბილისში, რუსთაველის გამზირზე მშრომელთა საერთაშორისო დღისადმი სოლიდარობის აქციის მსვლელობის დაშლა სრულყოფილ შესწავლას მოითხოვს, რათა სამოქალაქო საზოგადოებას მომხდარის პოლიტიკურ და სამართლებრივ პასუხისმგებლობასთან დაკავშირებით, სწორი შინაგანი რწმენა ჰქონდეს. მიგვაჩნია, რომ არ ხდება სათანადო სამართლებრივი შეფასება და საკითხის მიმართ სამოქალაქო პოზიციით მსჯელობა ხელს უშლის სიმართლის დადგენას.
ორგანიზაცია „ახალგაზრდა ადვოკატები“ საქართველოს განათლებისა და მეცნიერების სამინისტროს ტერიტორიული ორგანოების – საგანმანათლებლო რესურსცენტრებისა და საჯარო სკოლების თანამშრომელთა პოლიტიკური შეხედულებების გამო სამსაუხრიდან გათავისუფლების საკითხების შემსწავლელი კომისიის საქმიანობის ღიაობას და კომპეტენციის გაზრდას მოითხოვს.
