სიახლეები
არასამთავრობო ორგანიზაცია "ახალგაზრდა ადვოკატების" ხელმძღვანელმა, ადვოკატმა არჩილ კაიკაციშვილმა საქართველოს განათლებისა და მეცნიერების ახალ მინისტრ თამარ სანიკიძეს ოფიციალური მიმართვა გაუგზავნა და საკუთარი ოჯახის საქმეზე სამართლიანობის აღდგენის დაჩქარება სთხოვა.
საქართველოს ცენტრალური საარჩევნო კომისიის თავმჯდომარის, ზურაბ ხარატიშვილის გადადგომა პრეზიდენტის მხრიდან განხორციელებული შესაძლო ზეწოლის შედეგია და საპარლამენტო ოპოზიციის 2013 წლის საპრეზიდენტო, 2014 წლის ადგილობრივი თვითმმართველობისა და 2016 წლის პარლამენტის არჩევნების შემდგომი შედეგების პროგნოზირებაზე მიანიშნებს.
„ახალგაზრდა ადვოკატები“ საქართველოს მთავრობას წეროვანის დევნილთა დასახლებაში არსებული პრობლემების მიმართ რეაგირებისკენ მიმართავს. ორგანიზაცია მოითხოვს შესწავლილ იქნეს მოსახლეობის კომუნალურ მომსახურებაში არსებული ორი მთავარი პრობლემა
ორგანიზაცია „ახალგაზრდა ადვოკატები“ რუსეთ–საქართველოს 2008 წლის აგვისტოს ომში დაღუპულთა პატივგების კვირეულს შეუერთდება. ორგანიზაცია ერთი კვირის განმავლობაში, 8 აგვისტოდან 14 აგვისტოს ჩათვლით, ადგილნაცვალი პირებისთვის უფასო იურიდიულ დახმარებას უზრუნველყოფს, რაც გულისხმობს მათ სამართლებრივ კონსულტაციას და წარმომადგენლობას.
„ახალგაზრდა ადვოკატები“ საზოგადოებას მიმართავს და თბილისის საქალაქო სასამართლოს მიერ თავდაცვის ყოფილი მინისტრის ბაჩო ახალაიას საქმეზე გამამართლებელი გადაწყვეტილების შეფასებისას, ნაადრევი დასკვნების გამოტანისგან თავშეკავებას სთხოვენ. საზოგადოებამ სასამართლოს გადაწყვეტილება არ უნდა შეაფასოს, როგორც საბოლოო ვერდიქტი, რადგანაც საზოგადოებისთვის ცნობილია მხოლოდ სასამართლო გადაწყვეტილების სარეზოლუციო ნაწილი.
უფლებადაცვითი ორგანიზაცია „ახალგაზრდა ადვოკატები“ საგანგაშოდ მიიჩნევენ საქართველოს შეიარაღებული ძალების კვების უსაფრთხოებაში არსებულ მდგომარეობას და მიმართავს საქართველოს თავდაცვის მინისტრს, საზოგადოებისთვის მიწოდებულ იქნეს ინფორმაცია, ვინ უზრუნველყოფს და რამდენად შესაბამისობაშია სტანდარტებთან სამხედრო მოსამსახურეთა კვებითი უზრუნველყოფა.
უფლებადაცვითი არასამთავრობო ორგანიზაცია „ახალგაზრდა ადვოკატები“ ეხმაურება 27 ივლისს, თბილისში, გამოფენასთან დაგეგმილი „ერთიანი ნაციონალური მოძრაობის“ პრაიმერის პარალელურად, პარტიის მიმართ უარყოფითად განწყობილი მოქალაქეების შეკრებისკენ მოწოდების ფაქტს.
საქართველოში მიწის შესახებ დაცვის კანონმდებლობა ძირეულ ცვლილებებს საჭიროებს და რეგულაციას ეროვნული ინტერესების გათვალისწინებით მოითხოვს, რადგანაც, 2004–2012 წლებში გატარებულმა სამთავრობო პოლიტიკამ ქართული მიწის უკონტროლოდ გასხვისება გამოიწვია. სწორედ ამ თვალსაზრისითაა მისასალმებელი და უმნიშვნელოვანესი საქართველოს პარლამენტის გადაწყვეტილება, დროებითი მონატორიუმი დაწესდეს მიწის გასხვისების პროცესზე
იუსტიციის სახლში არსებული პრობლემების გასაჯაროებისა და განსხვავებული სამოქალაქო პოზიციის გამო, სახელმწიფო სერვისების განვითარების სააგენტოს უფროსმა, იუსტიციის სახლისა და თბილისის იუსტიციის სახლის დირექტორებთან შეთანხმებით, სამსახურიდან ხანგრძლივი სივრცის ოპერატორი ირაკლი ქველაძე გაანთავისუფლეს.
ორგანიზაცია „ახალგაზრდა ადვოკატები“ მიმართავს საქართველოს შინაგან საქმეთა მინისტრ ირაკლი ღარიბაშვილს, რათა დაჩქარდეს გამოძიება იმ საქმეზე, რომელიც ეხება ქობულეთის პოლიციის თანამშრომლების ქმედებებს, რომლებმაც, „ახალგაზრდა ადვოკატების“ ინფორმაციით, 2013 წლის 25–26 მაისს, სამი ქობულეთელი ახალგაზრდის მიმართ ჩაიდინეს არამართლზომიერი ქმედება.
